Auf dem Ruecken des Busses liegt das Glueck des mueden Fusses

Auso eigentlech hani ja es Video weue ufelade, aber laeck geit das lang... auso choeit dr euch das haut mit daem biudli da vorsteue. d local busse si oft ja raecht ueberfuellt. u d strasse, ehm, ziemlich holperig. de krakslet me hinge es huehnerstaegli ufe u glangt ufne dachtraeger. d bei laht me de usse la abebambele u se e boum chunnt, ja de muesme cheibe schnaeu uswiche... dr kontrolleur vom bus, dae geit de ga z gaeut izieh ufem dach irgendmau ungerwaex, de chlaetteret er eifach usem faenster use u stigt waghalsig ufs dach. das isch no e job...