So simr a das Fescht gfahre am Fluss. S het uf beidne Site grossi Buehnine gha u ganz viu Plastik stuehli... isch no praktisch am Fluss. Zersch hei si ues grad zum Fluss bracht, wome eh mit de Chleider eifach drilouft, denn isch ueses Gsicht nomau ungerere Baby Puderwolke verschwunde u natuerlech hei d Bier mit Iswuerfeli nid gfaehlt. Dr Saenger het aues gaeh. Ha eifach nonid usegfunde, ob das Karaoke isch gsy, oder ob dae am Mischpult chli schraegi Toen inegmischlet het... dr Basslouf isch raecht simpu, s git eifach eis Cherli u das isch i jedem Lied z gliche... We es noeis Lied afaht, de spurte alli fuere vor d Buehni, de wird zum Rhythmus gwippet u mit de Haendglaenk chli Kreisli gmacht. We z Lied fertig isch, de loufe alli wider zruegg a ihres Plastikstuehl Plaetzli... u scho chunnt z neue Lied... Ja bevors de idunklet isch hei Claude u i beschlosse, villech doch lieber no zruegg bi Tagesliecht... U *uese Don Juan* het ues sogar no es Pick up organisiert... Ehm uebrigens, ganz naetti Hemmli wo die Laote da traege, nid?
Keine Kommentare:
Kommentar veröffentlichen