Schochli fraech die Biudli ufe Blog z tue... I ha mau glehrt, dass me sech ide Ferie vode Ferie soell erhole - e goldige Tipp. U so bini immero uf Ko Tao amne ruhige Oertli, wunderbar. U eis vode wunderbarste Bungalows wome allwae cha ha, cheibe wohl ischs mr da. ( i ha z Bungalow gwaechslet, witer fuere az Meer u mau luege ob mis Hustier ou mitcho isch... i hami inzwuesche ou a die groessere Gekos gwoehnt. 25cm heieiei isch das gross). U so stahni am Morge uf fuerne Morgeschwumm, schliesslech soellme Wasser spare, naer gits z Morge - mi Favorit isch uebrigens dr Banana Erdnuessli Shake, wunderbar. U naer chli suennele, lang hauti das zwar nid us bi dene Temerature, wider chli Schnorchle de choeme die Fischli wo a eim Stuepfe wilsi eim wei Putze, heieiei i verchluepfe jedes mal. Ja u laese u 20min i ds naechste Doerfli loufe fuernes Internet... De es Schnorchle im Sunneundergang, aschinend hets 2 Schildchrote hie wo am Abe choeme, die suechi jede Abe aber bis iz hani no nuet xeh, irgendwie ischs chli verflixt mit dene Haie und Schildchrote... U wos gester dunku worde isch hani d Taschelampe mitgno iz Wasser - oh mis absolute Highlight ischs we dr Plankton naer Ungerwasser luechtet als haettsch d Staerne zum griife nah... Ja we d Schwiz no es Meer haetti, de waers wuerklech 1. Heaven on earth...
2 Kommentare:
Bi dene Föteli und dinere Beschribig, wird me auso scho grad chli iversüchtig ... ;-)
Mini liebschti Bettina
Schön, dass du's so schön hesch! Chasch de bitte ds schöne Wätter mit heinäh - hie rägnet's was es abemah... Ah ja, dä gross Gecko chasch mer süsch o bringe - d'Mama hani zwar no nid gfragt, aber chasch ne ja als Gschänk ipacke, de cha si nid nei säge.
I fröie mi, dass du gli wider heichunnsch!
Di Emil
PS: Di angere vor Familie fröie sech o.
Kommentar veröffentlichen